LIMÊJ

Xweda însan qebûl kir, hizûra xwe bi qîmet

Xelat kir ji bona wan, her roj limêj, di pênc wext

Ji bona ehlê îman, limêj Mî’ra ce yeqîn

Ji erdê ber asîman, mu’min dikin seyahet

Ji meşğela dinyayê, dil û can dibe azad

Di hizûra Rebbê xwe, ji ğemma dike rehet

Bi limêjê nû dikin, ‘ehd û soz û peymanê

Ji bo îmanê dikin, wê delîl û îşaret

Avaîya dîn li ser limêjê xwe digre her

Ê limêjê nekî ger, nabe xwey avaî qet

Mewc û pêlê di jînê, wê însan bike wunda

Ne j-limêjê be ewê, bi fetse d-behra ğeflet

Peşk û nuqtê gunehan, li ser dil dibin perde

Limêj dişo vê zengê, nahêle bibe ‘illet

Limêjker dûr digire, ji fê’la fehş û xerab

Paqijî ye limêj her, ji guneh û necaset

Ji bo xwedyê xwe sênce, dihemîne wî her dem

Li ber hicûmê şeytan, limêj dike sîyanet

Bêlimêj be ger insan, mehrûm e ji emanê

Bêlimêj, nake Xuweda, ji dû’a re îcabet

Qencê ‘emelê xêra, limêje d-bê pêxember

Nûr e di wechê mu’min, li dinya û qîyamet

Bi limêjê diherke, hibra qelema xêrê

Limêj, ji xwedyê xwe ra, dibe mifteha cennet

Azan, limêj û mizgeft, şî’arên Îslamê ne

Bi wan mu’min dighên hev, dibine yek û cema’et

Limêj xelasîye tim, ji ferd û hem gela ra

Xwezî bi wan, ê gihan bi limêjê hîdayet