Talan li me rabû bi du çavê dibelek Bejna şil û mil rûyê ku rewneq ji xo dayî
Ey dil me dinasî tu ji rengê berî bûyî
Îro ji çi derdî heliyayî… çunemayî
Nabêjî felek çawa di gel te geriyaye
Şubhê keviran bûy tu niho her wekî bay î
Yasa ku te pê bawerî tîna me dizanî
Her dem vederî ey dilo dûrî ji ğemayî
Ser rakir û dana keserek da xo dilê min
Go: Dil di dilê da disojîtin bi Xudayî
Talan li me rabû bi du çavê dibelek
Bejna şil û mil rûyê ku rewneq ji xo dayî
Roja geş û rohnî li me hel hat û dilê min
Hêla li cihê wî wekî befra heliya yî
Heliyaye nemaye dil û leş rahejiyaye
Îro ji şîrînahiya lêvê di şemayî
Soza me bi hev ra ev e bo dil bibe gorî
Dîlber ev e bo te tenê bêje çewayî
Gava bişikênit şekerek dil kevira min
Dil nû dê vejît û li me bit xoşî û şayî
Ku ew me niyasî wê bi vîna xo revandim
Lew dîlê di dava me birîndarê revayî