DESTANA HERDÛ SE’ÎDA

DESTANA HERDÛ SE’ÎDA

Destana herdû Se’îda
Her bo dîn û doza Xweda

Pir bi şan û nav û deng e
Bi qelem û cehd û ceng e

Yek wek şêr e bi tiving e
Yek çi mêr e wek piling e

Yek şervan e bûye dozwan
Yek Loqman e bûye derman

Yekî heyat kirye cîhad
Yekî xebat kirye mirad

Yek bi qiyam û berxwedan
Yek bi selam û nûrefşan

Yek Mûsa ye b-şêwr û dîwan
Yek asaye b-‘ilm û ciwan

Bûne rêzan û pêşîvan
Yek ji Hîzan yek jî Pîran

Yek Şêx Se’îd, yek Nûr Se’îd
Yek bû şehîd, yek bû murşîd

Bi yek nav û bi yek deng in
Ji medrese b- ‘ilm û reng in

Wek baran û berfa çiyan
Ser milletê me bariyan

De’wa Xweda bi Qur’anê
Dane nîşanê cîhanê

Îro l-çar aliyê cîhan
Bi ref însan têne îman

Bereketa van murşîdan
Şerefa herdû Se’îdan

Azadiya me Îslam e
Dîn û millet pê li qame

EHMED SERHEDÎ