Nivîskar: Recep Kirtay
Selatullahî ‘eleyk
Ey resûlê ekreme
Selamullahî ‘eleyk
Ey 'hebibê e’zeme
Ey rehberê rehbera
Xatemê pêxembera
Ez qurban im ji te ra
Aşîqê diwanê me
Tû resûlê ekrem î
Ji qelba re merhem î
Tûyî qeptanê gemî
Dinya axret 'hewce me
Şev û roj-l te di gerim
Selman im Ebûzer im
Ji dil û can bawer im
Can fida canê te me
Resûl ez musted’ef im
Bi te bi şan û şeref im
Li dû te-b rêz û sef im
Ji dil ez ‘hizba te me
Wexta dikim su'hbetê
Di barî wek re'hmetê
Ez jî ‘eşq û mu’hbetê
Serxweşê meyxane me
Bilbilê ahûzar im
Bi şev û roj di zarim
Li ser te dîn û har im
Dil kul im wîrane me
Wê roja qiyametê
Ji rehberê ummetê
Dixwazim şefa'etê
Li dor te perwane me